२०८२ श्रावण २२, बिहीबार ०७:४९

सागर बेल्बासे 

कपिलवस्तु

श्रृंगेघाट सामुदायिक वन उपभोक्ता समिति तथा गजेडा खानेपानी उपभोक्ता तथा सरसफाई समितिद्वारा बाडगंगा नगरपालिका वडा नम्बर १ मा रहेको उत्तम नगर आधारभूत स्वास्थ्य सेवा केन्द्रमा सेवा लिन आउने सेवाग्राहीहरूलाई सुविधा होस भनी शुद्ध खानेपानीका लागि पानी फिल्टर,इएनटी सर्जिकल सामग्री सेट,विभिन्न खोप केन्द्रका सेवाग्राही को सुबिधाका लागि स्टेन पंखा लगायत का सामाग्रीहरु शृङ्गेघाट सामुदायिक बन उपभोक्ता समितिका तर्फबाट संस्थाका उपाध्यक्ष बुद्द बहादुर साहिले हस्तान्तरण गर्नुभएको छ।

त्यसै गरि सेवाग्राही सेवा लिन आउदा बसाइको सहजताका लागि गजेहडा खानेपानी उपभोक्ता तथा सरसफाइ समिती का तर्फबाट संस्थाका अध्यक्ष राजकुमार खाँडले प्लास्टिक कुर्सी हस्तान्तरण गर्नुभएको छ। स्वास्थ्य सेवा केन्द्रमै भएको कार्यक्रम संस्थाकी उपाध्यक्ष एवं बाडगंगा नगरपालिका वडा नम्बर १ की कार्यवाहक वडा अध्यक्ष टोपकला बि सि ज्यूको अध्यक्षतामा भएको थियो।

कार्यक्रममा बोल्दै सहयोगी संस्था शृङ्गेघाट सामुदायिक वन उपभोक्ता समितिका उपाध्यक्ष बुद्धबहादुर शाही तथा गजेडा खानेपानी उपभोक्ता तथा सरसफाई समितिका अध्यक्ष राजकुमार खाडले स्वास्थ्य सेवा लिन आउने सेवाग्राहीहरु को सुबिधा का लागि सानो सहयोग उपलब्ध गराउन पाएकोमा खुसी व्यक्त गर्नुभएको थियो। सहयोगी संस्थाहरूलाई धन्यवाद ज्ञापन गर्दै उत्तमनगर आधारभूत स्वास्थ्य सेवा केन्द्र व्यवस्थापन समितिका सदस्य बुद्धिसागर बेलबासेले सेवा केन्द्र स्थापना कालको समय बहालमा रहंदा कोभिड को त्राहित्राही अवस्थामा स्वास्थ्यकर्मी तथा सेवा ग्राहिका सुबिधाका लागि आफ्नो जन्मदिनको अबसर पारी सिलिङ्ग पंखा,माक्स,सेनेटाइजर,साबुन लगायतका केहि सामाग्री सहयोग पुराइ जहाँ जे को कमि रहन्छ त्यस्ता ठाउमा सबैको यथासक्य सहयोगको भावना जागोस भन्ने संस्कारको बिकास गराएको कुराले अहिले विभिन्न संघ संस्थाबाट सेवाकेन्द्रमा प्राप्त सहयोगले त्योबेलाको सांस्कारिक सोंचले सांच्चिकै सार्थकता पाएको कुरा बताउनुभएको थियो।कार्यालय का कर्मचारी ,सेवाग्राही ,जनप्रतिनिधि दाता समेतको प्रत्यक्ष सहभागिता रहेको कार्यक्रमलाई समापन गर्दै कार्यक्रम का अध्यक्ष टोपकला बि सि ले सबैको एक आपसको सहयोगि भावना प्रती धन्यवाद प्रकट गर्दै आगामी दिनमा समेत सहयोग आदानप्रदान को अपेक्षा सहित कार्यक्रम समापन गर्नुभएको थियो।उक्त कार्यक्रम कार्यालय प्रमुख इस्वरा खरेलले संचालन गर्नुभएको थियो।

प्रतिक्रिया

सम्बन्धित खवर

ताजा समाचार

लोकप्रिय